شاغلاني وساحراني
يابنت البحر ياحورية
نزف فى بحرك حناني
وداب الحب فى المية
ابعد عنك واعود تاني
أملي بنورك عينيا
الاقي الموجة شايلاني
بكل ود وحنية
واعود للشط ألقاني
راجع للموجه الشقيه
فى غفوة نوم طيفك جاني
بين النجوم والقمراية
وصورتك ع الموجة تغازلني
وموجة راحه وموجه جايه
بتشغل قلبي ووجداني
حورية والا جنية
وانت فى سماك بصالي
وعيونك كلها ملاغية
وكل شوية فى منامي
تطوف نجومك حواليا
انا لسه عايش فى زماني
والا انا فى دنيا تانيه
عشقت الليل وأيامي
سهرانه معايه للصبحيه
عشقت حبك السامي
كنت حورية والا جنيه
مهيش فارقة انام تاني
واحاول اغمض عينيا
خايف لا يوم تنساني
وتبعد عني لو ثانية
(((أسامه جديانه)))
ليست هناك تعليقات:
إرسال تعليق