* * * ذنبه رجولته * * *
نفسي أعرف إيه ذنبه
جاي تضرب أبوه وعايزه
يحط يده على خده
ساعتها يقطعها أحسن له
صعيدي وتاج راسه كرامته
قليل عليك ضربة قلمه
ياريت كان ضربك بفاسه
دست على زنادك وقتلته
مسيرك في الآخره تقابله
ساعتها ياخد منك حقه
لما تقف وتبقى خصمه
ربنا ف قرآنه وعده
يجيب حقه م اللي ظلمه
ويسكنه في فسيح جناته
* * *
ناس كتير نعرفهم
قلوبهم مليانه طيابه
ما استغلوش مناصبهم
ضد الناس الغلابه
بالعكس دا بيخدموهم
وبيعطفوا كمان عليهم
علشان صعوبة ظروفهم
على معايشهم بيساعدوهم
*** بقلمي
منتصر عبد رب النبي ***
ليست هناك تعليقات:
إرسال تعليق