⚘يوميات زوج مطحون⚘بقلم الشاعر/ صبرى رسلان

 يوميات زوج مطحون ..    ( 221 )

...........................

يا إخوانا  ما حدش  ينصفنا 

ولا  كلمه  بقرش  ..

 شقيان  مربوط  في موتور 

ساقيه   عيني  ما ترميش

يوماتي لأوفر   طلباتهم 

أشقى  ما   بركنش   ..

من دوختي  بنام  ولا بتغطا  

وودان   بتوووش  ..

 تيجي تصحيك  ولا في الورشه 

قطرين  مع  ونش  ..

 إنزل  غير  لي  الأنبوبه  

ودي  ما  تتأجلش    ..     

بطني بتصوصو  من جوعها  

لسه  ما سويتش  ..      

من تعبي  بنام  كده  ع  الواقف  

وأصحى  ما  أكملش  ..

 وتقوللي  في نومك  بتشخر 

ماكنه  ما  تفصيلش  ..   

حد يقول لها  ويفهمها  

وما  يتفلسفش  ..   

الراجل عايز  غير  كلمه  

وضحكه  ع  الوش  ..

أنا  هأخد  شنطتي  عند أمي

وأهرب  ما العش  ..

بقلم  ..  صبري رسلان