✨خفوا علينا ✨
كل حياتنا ماليها الخوف
مرة وباء وغلاء وكسوف
أو إعلان لحروب وخسوف
مع براكين وماليها حتوف
***
كله يوماتي يحطم فينا
مرة يقولوا قيامة علينا
جاية تبيد أفراح ليالينا
وتحطم فينا وتنهينا
***
واللي بتطلع وبتتنبأ
مرة سونامي وهتغرقنا
واللي زلازل جاية ح تهدم
والأنقاض تحتيها فراقنا
***
خفوا علينا كفاية زهقنا
من أحلامنا ومن أيامنا
اتجرعنا الكاس بمرارنا
مبقاش لينا أمان ف حياتنا
***
✨بقلمي/ صفاء الخواجة ✨
ليست هناك تعليقات:
إرسال تعليق