منسيتوش
**********
منسيتوش ولا عمرى انسى حبى ليه
منسيتوش ولا حنسى لمسة من ايديه
دا لو نادانى كنت أجرى بشوق عليهولا ح اقدر انسى حبه لو حتى ثوانى
--
*****-----*****----*
ازاى راح أمسى وانا كلى ليه
دا انا أسمى لسه مكتوب عليه
وفى المنام روحى تناديه
وقربى منه له طعم تانى
""""""""""""""""""""""""""
منسيتوش قمر الليالى
فى قلبى ساكن ومقامه عالى
جوه عيونى دايما قبالى
نور حياتى وسعد زمانى
"""""""""""""""""""""""""
منسيتوش ومين ياناس ينسى هواه
واسألوا الشمس اللى نورت الحياه
مين اللى ضحى وعمره ماسبب له اه
واسألوا قلبه يقول لكوا مين راعانى
"""""""""""""""""""""
عمرى ماانسى نظرته لحظة لقاه
هو القمر ياناس حينسى فى يوم ضياه
ولا فجر الدنيا ييجى بدون نداه
أنا عمرى ماانسى حبنا اللى نادانى
منسيتوش ولا لحظة اقدر
دا كل يوم الحب يكبر
والأمل فى عيوننا باهى
والحياة تحلو اكتر
منسيتوش
"""""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق