أول ما نطق لساني
اسمك إنت ويا أمي
و أهو مر العمر في ثواني
و كل يوم يزيد في همي
شوفت الجنة في رحابك
قولت أمد إيدي واسمي
جا الجنايني و قال حرام
قولت له ليه يا عمي
قالي دي مش للي زيك
نبرته مش نفس صوتي
و الملامح مختلفة عني
هو مش راضع حنانك
بس سارق فيك حلمي
و ف الفرح واخد مكاني
و الغريبة إنك ليه تضمي
ابنك محروم طرح الجناين
أو حتي على نيلك يغني
مستغربة تشكيل ملامحي
و ف الفرح مش فاكرة اسمي
و لما ضحيت يوم عشانك
في ثواني بعتي دمي
سيبتي سيل ظلمك جرفني
للسواقي طاحنة عضمي
لما حنيت لحضنك جفاني
جوة بحر الخوف بترمي
ليه للغريب بتحني راسك
و عن غلطه عينك بتعمي
كنت فاكرك لسة أمي
جوة حضنك هالقى راحتي
وإن قلبك لية بيت
و الجناين فيك ساحتي
حسبتك ظالمة حقي
طارحة الفرح من نصيبي
حبسني خوفي جوة شقي
بس برضه هافضل ابنك
مهما كان و انت أمي
بدوي محمد
الخميس ٧ فبراير ٢٠٢٤م
٢٧ رجب ١٤٤٥هـ
ليست هناك تعليقات:
إرسال تعليق