وبتسالنى هو انا
خلاص بطلت احبك ؟
وبتسالنى هى الحياه بقت
احلى كتير فى بعدك؟
وبتسأل هو انا بقيت مرتاحة
وآنا مش وياك ؟
وبتسال هو انا خلاص لقيت
الفرحة
من غير حتى ما استناك ؟
تصدق كل اسئلتك
اجاباتها عندى اه
تصدق ان حياتى
كانت معاك معاناه
تصدق انى بقيت حره
بقيت حاسه انى بقيت انسان
بقيت حاسه انى انا عايشه
انى واصلة لبر الامان
تصدق انى مسحت من قلبى
الم وعذاب زمان
وبقيت اعيش لنفسى
وبنفسى قفلت انا باب
باب حزن باب حيره
باب معاناه
ده حياتى كانت
متتحسبش حياه
خلاص انا فوقت
وصحيت وارتحت من الاهات
وقفلت على الماضى وقساوته
ومسحتك من خانة الذكريات
خانة الذكريات
#سمر_الباز
ليست هناك تعليقات:
إرسال تعليق