دنيا وماشية على كيفها
بقلم.. مجدي الجندي
مهما ساندت
او حتى عاندت
مش مهم
( نقدر نعيشها بوجعنا )
مع شوية م الذكريات
ايام طفولتنا ....ودلعنا
( كدابة ياضحكة الايام )
غشاشة يا ابتسامة صفرا
صدقّنا الحلم فى نومتنا
وحضن الضحكة
كان اوهام
لقينا الصبح غير امبارح
جاب وقت منين يتبدل
اتارى الليل كان سارح
ماهى دنيا وعايشه
على كيفها
وكيفنا يدوب على سيفها
لو ميلنا يمين يفرتِكنا
لوميلنا شمال ينسفنا
يادنيا لإمتى معاندانا
وزهقانة
كترَانا عليكِ ضحكتنا
دا حتى صوتها
طالع مخنوق
ومكتوم خايف يفكرّنا
بإنه طالع لنا مسروق
من وسط همومنا
واحزنا
كفياك ياليل فى سرحانك
امانة تزورنا بأحلامك
وهات معاك انوارك
( نحسّس بيها على زمنا )
Magdy ELgendy
ليست هناك تعليقات:
إرسال تعليق