قالوا عنى كلام كتير ماهوش فيا
قالوا عنى ظالم مليان حقد و انانية
قالوا عنى قاسى ومفيش فى قلبى حنية
قالوا عنى ضعيف و مليش للاسف حيلة
قالوا عنى هتحمل وعمرى ما اقول
الشيلة تقيلة
قالوا كلام كتير لكن قاسى
قالوا كلام يتحفر فى القلب
ولو مر الزمن عمرى ما اكون ناسى
كلام يقتل والله انسان
ومش لازم يقتل بسكين
كلام بيجرح فى قلب
ويسيبه غلبان مسكين
نسيوا يقولوا ازاى كنت صادق
ومليش فى اللف والدوران
نسيوا يشوفوا الحلو اللى فيا
واد ايه ضحيت زمان
نسيوا زمان ازاى كنا قريبين
ونسيوا كمان عشرة سنين كتير
يا خسارة الطيبة ويا خسارة الايام
يا خسارة قلب حب وكانت المكافاة الالام
تفتكروا بعد ده كله حيكون فيه امان
اشهد يا زمن مفيش خلاص امان
اشهد يا زمن 💔
#سمر_الباز
ليست هناك تعليقات:
إرسال تعليق