🍁 خاطرتي 🍁
رافضينك ..كارهين معرفتك
كارهين اللي يجينا بريحتك
ناسينك منجبش ف سيرتك
ح نعزل وبناقص جيرتك
***
كفانا.الحقد فى نظراتك
والكره.. الباين ف طريقتك
وسوادك طالل من عينك
الفاظك كلها من خيبتك
***
ولا هندم على كُتر عطائي
ولا خطوة عشانك و مشيتها
ياقليل الأصل أنا بأكتب لك
دي ظروفك أنا ياما راعيتها
***
ونكرت الفضل إللي إنتشلك
من جوه مخاوفك مع حيرتك
نصاب وف دمك تعادينا
وده أصله ياخاين من غيرتك
***
روح وابعد من سكة بيتنا
ولاتطلب أبدا نخوتنا
وإن جالك طيفنا ولو فكرة
انسانا وانسى محبتنا
***
🍁بقلمي/ صفاء الخواجة 🍁
ليست هناك تعليقات:
إرسال تعليق