حكاية شاب
انا الشاب اللي عاشها
طول بعرض
وكنت ماشي بقوتي
وفاكر ههد الأرض
رماني زماني على صحبة
ماتعرف جد
وخدني شيطاني ومشاني
ف طريق ا تمد
لا عرفت أرجع تاني
ولاخاد بإيدي حد
ياصحبة الكيف طريقكم
والله ضيعيني وجبل العزيمة
اتهد
وضهري اللي شال الصعاب
د الوقتي محتاج شد
ودفعت أجمل سنيني
وكل أملي انهد
في سجن مقفول ياعيني
ودمعي سال ع الخد
ياما نفسي ترجع سنيني
ولايبقى زي حد
دانا كنت أسد عريني وشاب
زي الورد
ضيعت عمري وسنيني
ومات لي أغلى أب
من حزنه ع اللي جرالي انت
اللي فاضل يارب
وتوبه ماارجعش تاني
لصاحبي اللي مش ولا بد
وخلى دمعي يوماتي بيجري
فوق الخد
وافرش طريقي أماني
وحياة مليها الورد
ياللي انت غاوي السعادة
ربك ما زيوش حد
إرجعله يالا ياغالي
عنده السعادة بجد
واوعاك تصاحب أناني
وصاحب اللي بجد
وقت الشدايد يا غالي
جمايله ماتنعد
بقلم الشاعر فهمى محمود حجازى
ليست هناك تعليقات:
إرسال تعليق