إيه ذنب وردِك
الصوره للفنان الجميل
الأستاذ محسن البحيري
الله يرحم شهداء الوطن
ويجعلهم فى الفردوس الأعلى
تِتقطع إيد اللي تِتمَد
على ولادك يامه يابهية
اللي واخده بس على الهَد
مش حابه تبني ولو بالنية
غير قتل جنودك اللي زي الورد
الحارسه حدودك من كل ناحيه
إيه ذنب وردك ف عز البرد
أو ف نار الحر يموت ضحية
تِتقطع إيد كل جاحِد
واكل وينكر فضل خيرك
عقله ضلمة ليكي حاقِد
كاره نورك مِخالف سيرك
ف قلبه غِل لدينُه فاقِد
فاشِل ينجح في تغييرك
العَقل بيقول إنه بارِد
خارج عن سِرب طِيرك
العَدل تقيمي عليه الحَد
بقطع رِقبتُه تشوفُه الدنيا
يكون لأهل الشر بجد
عِبرة وعِظة من غير دِية
عِبرة وعِظة من غير دِية
يوسف أبو زينة
8/5/2022
ليست هناك تعليقات:
إرسال تعليق