امي
ومهما كبرت ياأمي
أحن لأيام الصبا
لناس قلوبها طيبة
مليانة عطف وطبطة
كلها خير وبتحب الغير
ما تعرف غير فعل الخير
مهما تقسي الدنيا عليها
ومهما تشقي فيها
والحزن يملي عينيها
ترسم الضحكة
فوق الشفايف
وتحسها من قلبك قريبة
كلامها بسيط وسهل
وتاخد منهم العلم ع المهل
تقولش دارسة علم التدبير
تدبر وتحوش لجل البيت
يكون مستور
وان يوم ضاقت الظروف
تقول ع قد لحافك
مد رجليك
وبكرة يعدلها علام الغيوب
بالفطرة ترضي بالمقسوم
وتقول عليك العوض يارب
وان يوم خسرت المعلوم
تقول الله جاب الله خد
الله عليه العوض
ومهما كترت عليها الهموم
في الفجر تقوم تصلي وتقول
افرجها علينا الرب
ماانت رب العباد
وما نعرف غير بابك باب
يجي منه الفرج علينا وع العباد
وان طال عليها العسر
تقول بكرة يجي اليسر
ما احنا عبيده
وهو رحيم بعباده
ما انت يا امي المدرسه
وقلبك بكل القلوب
وانا مهما كبرت
أشتاق ليكي وفيكي أدوب
وادعىلك تكوني ف الجنة
ما انتي يا امي الحنية
والايد المداوية
هوى الإمام
ليست هناك تعليقات:
إرسال تعليق