......... * (ماتحاسبونيش )*
. . ... موال شعبي...
من صغر سني وانا محروم من عطفهم .
لاليا بيت ولا مأوى ..عشت بعيد عنهم..محروم دفا حضنهم....
وكتير زيي من سني وسط ابوهم وامهم...عايشين متمتعين.
بحنانهم وحبهم . وانا انا..اللي.... ابويا وامي فاتوني...
فى الشارع وحدي سابوني.....علشان خلاف بسيط بينهم......
فارقوا بعض وسابوني.
لقيت نفسي فى الشارع.....وحيد ياناس وكمان ضايع...
مالقتش حد يحاسبني .. أخر الليل وانا راجع.....
كتير زيي قابلوني ....م الشارع جم شأطوني.......
خدوني عشت انا وياهم ......صرفوا عليا و ربوني...
طلعت وكبرت معاهم.......الشارع رباني ورباهم.......
ليه النهارده تحاكموني...........
ماتحاسبونيش ليه تحاسبوني.......حاسبو امي وابويا ......
اللي رموني وظلموني......وعاشوا هما ..عاشوا هما ونسيوني
...... ..**..
ياقاضي القضاة ياقاضي ... محدش منهم كان فاضي ...
كله فكر بس ف نفسه .. .. هما ف وادي وانا ف وادي ..............
انت ليه بتحاكميني .. وسايبة ليه الناسيين......
لشمس الصيف تحرق فيا.. وبرد الشتا اللي بيقتلني ..
وليه ال2 دول ماسكني.... عالسجن بقى كده واخدني..........
هاتهم ياقاضي وحاسبوهم .. بمكاني ياقاضي اولى مني .....
بمكاني ياقاضي اولى مني
..؟*
........... **؟
كلماتى /.على ابوالمجد...
صرخه من اطفال الشوارع*؟
...........
ليست هناك تعليقات:
إرسال تعليق