"ألم في قلبي"
-----------------
ألم موجود في قلبي
اللي ف لحظة اتصدم
وخلاص ضاع مني حبي
وحياتي بقت عدم
وكلها ألم.....
ألم حطم ضلوعي
زى ماحطم لي قلبي
مش قادر احوش دموعي
ولا عارف أداري واخبي
وباصرخ م الألم......
أصل الفراق خلاني
كأني ف بحر غريق
وبقيت ياناس وحداني
والدنيا ف عيني تضيق
وبيخنقني الألم......
أنا ماشي جوه ضلمة
مش شايف أي نور
وتايه وسط زحمة
عَمَّال ألِف وادور
وجوايا ألم......
مش عارف فين طريقي
وضاعت خطوتي
ولا لاقي صديق حقيقي
يساعدني ف محنتي
ويخفف الألم.......
ألم موجود في قلبي
اللي ف لحظة اتصدم
وخلاص ضاع مني حبي
وحياتي بقت عدم
وكلها ألم..
-----------------------
بقلمي؛؛
م/ محمود الحريري
ليست هناك تعليقات:
إرسال تعليق