هتتعافـى
»»»»»»»»
بلاش بكي دمعك فطر قلبي
دا أنتي العزيزة وإنتي كمان
حبي
بقالك سنين
دمعك ع الخدود
يجري
ودمعك يا طاهرة
كان سبب أسري
أصبحت أسير حبك
وف حبك خلصت أنا صبري
أنا عايز أقولك كلمة
في سقف الحلق
مخنوقة
إنتي سبب دمعك
وإنتي محقوقة
ما فارقتيش ما بين
الردى وأبو نية مسروقة
ولا بين الخسيس
اللي مناه
يشوفك بحبل مشنوقة
واللي مثل عليكي الحب
وإنتي محروقة
زود عليكي النار
وعامل نفسه
بيطفي
ومن ناره قولتي
اتحرق كفي
مع إن ناره باردة
ما طلعت في يوم
دخان
واللي قال إنتي
في قلبي
وقلبه حجر
صوان
راسم ع العيون ضحكة
ويتمني يغرقك
آحزان
واللي يوسوس في ودنك
كما الشيطان
خناس
باعك ف لحظة
من غير سوق
ولا ناس
واللي سابك وراح يكدب
كدبة عبت الكراس
واللي في سوق الرجال
ما يسوي حتي
مداس
ارجوكي فوقي وروقي
وارجعي تاني
دا أنا في حبك
عمري ما كنت أناني
أنا منك وليكي
ما هو أنتي عنواني
حنانك وصمتك وحزنك
وحضنك
هو اللي خلاني
أقولك إنتي السبب
وفاكرك
لو حتي نسياني
لو كان السبب زمنك
اترملي منه
وانسي خلفته
الشينة
وحادي علي البقيين
لو طب فيهم عطب
مش كلهم وحشين
لو عارفه أنه السبب
اترملي منه
وطمني خلفته
الزينة
نفسي ترجع للعيون ضحكة
ويرجع وشك الفرحان
يامصر يا غالية
يا معلمة الانسان
فن الحياة والامل
يا جنة الرحمن
امسحي دمعك بمية
نيلك الدافي
ولا تخافي
بأمر الله
هتتعافي
محمود عمار الزلبانى
ليست هناك تعليقات:
إرسال تعليق