...*( حلم والا كابوس )*...
**************
قمت ف يوم م النوم مفزوع
قولت اللهم اجعله خير
شوفت ناس أعرفها كتير
عقلها خالي من التفكير
الإخلاص بتراب يبيعوه
وبذر الشر كمان زرعوه
حتي الوفا مبقاش وفا
وكل خير الدنيا نسوه
بين الناس ماشيين بالغيبه
ولا عارفين إيه معني العيبه
حتي الكدب ف عينهم باين
لا اتربوا ف عزوه ولا عيله
قمت نزلت مشيت ف الشارع
بين الناس اشوف أحوالهم
اللي صابهم و إيه وجرالهم
وايه كمان كان غيرهم
اللي بيبكي واللي سارح
واللي بيضرب كف بكف
وناس بتدور علي لقمه
حيلها اتهد مشي ولف
وناس قليله ف قلوبها رحمه
ماشيه تحن ع الغلبان
قولت لسه الدنيا بخير
اهل الخير دايما بتبان
اللي شوفته ياناس بعيوني
ممكن ناس علي غيرها تدوس
ياهل العلم قوام دلوني
ده يبقي حلم والا كابوس
*************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق