خط فاصل
# ألوو..ألووو
يا خلق هووو
الوصل ليه هربان م الخط ؟
والحب هان !
وصبح في كان !
نفسي أفهم انا
فيه ايه بالضبط ؟؛
هى أهي اللمبة الخضرا
والود ماله مافيه إشعار
مش كان متاح حاله وميسور
دلوقت ماله ؟؟ عايز ينهاار. !
والطيبة مالها مخفية
ما بتدي رنة ولا إشارة
متاخدة ف كمين ومخالفة ؟؟
أو فيها أخطار عالمارة. ؟؛
مش قادر افهم ولا أسمع
الخط بايظ ولا احنا
بأه محتاجين ضبط المصنع !؟
ولازمنا تصليح للمحنة. ؟!
في طباع كانت فينا جميلة
ب search تاني نفعلها
واشعارت راقية من الذوق
وطباع تصالح أحوالها
فيارب تصلح خط السير
ونلاقي تاني الدنيا بخير
دي أمورنا كلها بمشيئتك
وبكل شئ عالم وقدير
أسماء عبد الله
ليست هناك تعليقات:
إرسال تعليق