واقفة الحصان
بقلم.. مجدي الجندي
وليه واقفه
وصالبه الدهر .....وياكي
يارب تكونى
حمل الدهر وايامه
تقابلى فرحه واحزانه
وسايبه الريح
تخبط فيك...... وتصفر
بجبروتها وف الاحلام
بتكسر
وماسكة في ايدك
خيوط.......... الوهم
وفتحه الصدر لمليون سهم
ياخوفي انت ......وايامك
وى مآمنه لضهر .. .حصانك
وناشراه في مهب الريح
هموم .......وشجون
وسايبه الخلق بتشاهد
كإنه .........جنون
محدش شايف
من الطله اللي في عينيكي
جناح ....مكسور
ولا عرفوا يلمسوا ايديكى
امل ........مبتور
ولاحد سألك ليه
نظرتك تايهه
ولافكر ..ياعيني الناس
بقت ماشيه خلاص شايله
هموم يومها وبكرة الجاي
وبكره جاااي مامتحمل
وخلق ياهوووه ماشيه
في دربها مارضيه
حتي ... تتأمل
سيبي حصانك لخياله
ما يمكن يتهدي حاله
ويرجع تاني....... لمكانه
لعشه وعيشرته معاكي.
ووياكي يلاقي...... امنه وامانه
Magdy ELgendy
ليست هناك تعليقات:
إرسال تعليق