هذه القصيدة غالية على جداً وهى فى مدح سيدنا النبى اللهم أرزقنا زيارته أنا وكل مشتاق
اللهم امين يارب العالمين
إسم القصيدة(زرت سيدنا النبى)
باللغة العامية
كلمات الشاعر/ سعيد الشبراوى
كتبتها فى28/2/2022
أنا زرت مقام سيدنا .....النبى
وشاهدت بعينى الانوار
وقلت السلام عليكم يا سيدنا
أول مادخلت الروضة على هلت الأنوار
أنا جايلك شاكى..... وباكى
حالى والدنيا والاحوال
سمعت هاتف فى قلبى بيقولى
أنا إلى يزورنى لا يشكى ولا يبكى
ولا ينزل دمعة ......ولا يحكى
يصلى ويدعى ويشاهد الأنوار
يارب ومقام سيدنا النبى عليك
تغفر لنا إلى فات .....والجيات
دانا من حبى فى سيدنا النبى
رزقت بمولود سميته على إسمه
أمل ورجاء وقربة ....إلى الله
يهديه لغيره ولنفسه بفضل إسمه
دانا كان نفسى أقبل الجبين والراس
ياصاحب رسالة الإسلام والعدل أساس
دا أنا لما صليت على سيدنا النبى
صلت معايا الملايكة والأشجار
والطير تمتم وصلى....... عليه
وصلت عليه .....كمان الأحجار
أصل مقام سيدنا النبى غالى
وأملى يشفع لى ...ويرق لحالة
ماهو إلى ... حبه يشفينى
ويوم المشهد من حوضه بإيده يروينى
شربة ما.........بعدها عطش
ولا أحس بيه ولايراودنى ولايشقينى
أنا مدحت فيك ولاسعفنى كلام
سماح ياسيدنا يابدر التمام
كفاية إن ....... ..مدحك الإله
ورفع مقام ... .. سموك وعلاه
وانا إيش أكون .....غير بشر
قليل الحيلة...... ... فى الكلام
سلام سلام يارسول السلام
عليك التحية .......وعليك السلام
ليست هناك تعليقات:
إرسال تعليق