غرب النوباريه.
عبدالله رجب ابوعدنان
ف غرب النوباريه
الغمام ضلل عليا
شربت مر واسيه
م ارتويت ولا شبعت
وكنت عن الدنيا رحلت
لكن أمي فرحت إني استرجلت
وبقت توثق فيا
الريح شديدة وصعبة
و الامر الغربة
وكانت ترحيلة معقربة
والريس كان سجان
بصمجي وبنص لسان
يعبي ف قراطيس الأحزان
ومن غبار الاسمنت
يرمي نفسه ف خزان المية
والسلفة عيش كسر
وانا اللي كنت فاكر نفسي نسر
و اتوضا واصلي العصر
وادعي ربنا تعدي الايام
.
طول الليل سهران ما بنام
واطمن نفسي انا تمام
وأقرأ آيات القرآن
واتلجلج زي عادتي
وواخد معايا حلمي
وكنت فرحان بشكلي ورسمي
صغير فرفور وبحب بنية
وكبرتاية مقطعة
والخطوة متسربعة
وليالي حزينة موجعة
ومسامير دخلت ف رجليا
واكبس ع الجرح بجبس
وجتتي م الوجع ما بتحس
يا حظ إنت فين بس
ولقيه فوق تل عالي
اشد فيه ويشد فيا
وقالي سلامات يا غالي
مش إنت المقصود يا عنيا
غرب النوباريه.عبدالله رجب ابوعدنان
ليست هناك تعليقات:
إرسال تعليق