" سمك 🐟 - لبن 🍼- تمر هندى 🍺 "
( بالعربى ... صعيدى )
▪︎چايز أكون أنا، عايز أكون غيرى
▪︎بس اللى مش ممكن، أسرج وأجول خيرى
▪︎ومنين هيچى الخير؟؟!!!...لو يدى راح تسرح ...چوه چيوب الغير!!!
▪︎يمين بالله حالف، شرعه يبجالى حد
▪︎حدى إن أصلى صعيدى، ما عارفش غير الچد
▪︎لو يسرج ضناى ... ينجام عليه الحد
▪︎تجاليدنا هى چذورنا ... مدَّاد لسابع چد
▪︎عايرونا بالتار ... والدم كونه ... حار
▪︎يغير على عرضه ... يغسل بيده العار
▪︎لو الجصاص ناجز ... ما كان كواتنا النار
▪︎أنا برضه ع العشره ... رايدها تبجى عمار
▪︎أهلى وأحبابى ... يملوا علينا الدار
▪︎وحرمنا ست مصون ... تحفظنا ونصونها
▪︎و الغالى مهما يكون ... يرخص فدا عيونها
▪︎يجولولى ليه بتغير ... عليها وتحابى
▪︎أرد أجول ،كنزى ... وأعز أحبابى
▪︎وعشان صعيدى أنا ... هتمنى أكون أنا
▪︎مش حد تانى يعيش ... بالضعف والمسكنه
عچبى ...
( خالد فاروق )
ليست هناك تعليقات:
إرسال تعليق