اهداء الي الشاعر الكبير
م/ محمود الحريري
🌹وصيتي🌹
وصيتي ساعة الفراق
متأثر فيك دمعتي
هرحل وأسيبك
مش بإيدي
تضل عنك سكتي
وأمانه لتفتكر يوم لقانا
أد ايه كانت... بيك فرحتي
سايبلك ألف شوق
ومليون ابتسامة
راسملك على الحياة
يا حبيبي سكة وعلامة
كمل طريقي اللي بديته
وكل حلم معاك بنيته
واحكي.... للناس قصتي
لو سابك قلبي
روحي معاك
ولو غبت عنك
هكون وياك
خليك فاكر دعوتي
يارب لو فارقته
امحي قلقه وحيرته
نور حياته بشمعتي
بالخير افتكرني
بس ما تبكيش
اكيد هنتقابل
وفى قلبك هعيش
أقرب تعالى
فى قلبي اوعد
عن الفرحة
ما تغيب وتبعد
ساعتها تقدر
يا حبيبي توجد
حياتي ودنيتي
خايف عليك
من بعدي لكن
اوعى حزنك
يبقى ساكن
افرح واجري واتمنى
واعشق بعدي واتهنى
ولو الموت فرق م ببنا
هرحل واسيبلك جنتي
وفى أخر الوصية
امسح دمع عِنَيه
وارضي بالمقدر.....
واقلب صفحتي
وصيتي
بقلمي /السيد صالح 💖
ليست هناك تعليقات:
إرسال تعليق