"دمعة وشمعة"
-------------------
الدمعة بتسيل من عيني
وتحرق قلبي من جوه
والشمعة نورها بينطِفي
وتسيب ف قلبي كام فجوة
والحزن داهِس فرحتي
بكل شراسة وبقسوة
حبيبتي ف لحظة فارقتني
خطفها الموت على سهوة
بقالها سنين تصون ودي
وتملا القلب بالنشوة
وفجأة الصدمة هزتني
وراحت وردتي الحلوة
عيوني بدمعي مروية
وقلبى معدش فيه قوة
وشمعة بيتنا مطفية
وانا بَدعيلْها كام دعوة
-------------------------
بقلمي؛؛
م/محمود الحريري
ليست هناك تعليقات:
إرسال تعليق