امانة ياقبر عليك
خليك حنين ع إللي فيك
اللي فيك حتة منا واخده قلوبنا منا
ودول حبايب فاتونا موجعيين
كانوا سبب فرحتنا وكنا عليهم
مسنودين
سابوا مكانهم بينا وراحوك مجبورين
امانه يا قبرعليك
خفف عليهم الضمة
كن لهم نور وابعدهم عن الضلمة
هما في عفو الإله عشمانين
امانة ياقبر عليك
ما تضيق عليهم يوم
كن لهم براح مفروش من الجنة
وعطره بمسك وعنبر ورياحين الجنة
امانة ياقبر عليك
ترعى اجسامهم و بعملهم طمنهم
دول ياما تعبوا وكانوا صابرين
ولا يوم قالوا الآه
وكانوا لله حامدين
سابوا الدنيا بأ
وجاعها
ودخلوا عندك طاهرين
طهرهم يارب من خطاياهم
واجعلهم بنورك متونسين
وانس يارب وحشتهم
وامن روعتهم واحفظهم
من الفتنة ليوم الدين
ليست هناك تعليقات:
إرسال تعليق