لو لقيت حبي قل
إعرف انِ قلبي مل
خلاص عديت حدود الصبر
وإللي جاي بعده هجر
من ظلمك وسوء طبعك
مفيش كلمة حنان منك
تقسى عليا وعايزني احبك
أفضل إني أبعد عنك
شفت جميع أنواع الذل
وأجيب لك صبر منين
عايز مني ود وحب
قوللي آلاقيه إزاي وفين
كل فعل ليه رده
وأنت فعلك كله شين
لو فاكر حياتك جنة
نار بُعدَك أهون بكتير
مش بطلب عربية وڤيلا
أنا أملي حُسن التقدير
لو في بينا مودة ورحمة
كان أي صعب معانا يلين
شفت جميع أنواع القسوة
إزاي قلبي لقلبك يميل
مفيش ولا حاجة حلوة
يبقى لابد من الرحيل
*** بقلمي
منتصر عبدرب النبي ***
ليست هناك تعليقات:
إرسال تعليق