ناس وناس
======
ع الطعميه تلاقي الزحمه
وناس تستنى العيد للحمه
وتلاقي عالم واكلين دول
ينهشوا فيهم وبدون رحمه
وناس تسند أصلابهم لقمه
وتلاقي ناس عانوا من التخمه
وعلى دروب الرزق غلابه
جايبين قوتهم من غير تهمه
وعلى نواصي الغش ديابه
ينهبوا حتى النور في العتمه
ناس بتصيف عام في مارينا
وناس بتستف هم ف ضلمه
وعلى كتاف الخلق يعدوا
ناكرين خيرهم وقت النعمه
دنيا بتفرش ورد لظالم
وبتفرم مسكين بالنقمه
==========
بقلمى سامح توكل أبوالسبح
ليست هناك تعليقات:
إرسال تعليق