صـيــاد ورحت أصطاد
أنـا غاوي أصيد وأصطاد
وارمي خـيـوطـي في الميّة
وشوقي للحبيب ما غاب
وصورته لسه في عنيّا
وأبعت له سلام فى جواب
وبرضه مش سائل فيّا
..
نزلت البحر من شوقي
وقلت الصيد بيصبر
وأنسى كل ماجرالي
مع حبيبي اللي متغندر
وصابني برمشه ونساني
وخلّيى القلب يتحيّر
وكل م أقول خلاص أنساه
يزيد حبُه ياناس أكتر
وفنجان شاي مع سيجارة
قعدت ياناس مستنظر
مياسة تغمز بسنارتي
أفرح بيها وأتغندر
وفجأة سرحت بعنيّا
لقيت صورتها قدامي
بتتمايل علي الميّة
ونفس النظرة في عنيها
بترمي سهام حواليّا
وصوت م الميّة يناديني
ويغريني بحنيّة
ومن شوقي رميت روحي
لقيتني وقعت فى الخيّة
...
رفـعـت مـحـفــوظ -الإسكـنـدريـة
ليست هناك تعليقات:
إرسال تعليق