(أهالينا علمونا)
كتبت فى 26/3/2021
كلمات سعيد الشبراوي
أهالينا علمونا... زمان
أصول التعامل مع الناس
علمونا إن الجار جار
ولو جه عليك ........وجار
علمونا لما يقولوا كلمة عيب
لازم على طول .نستجيب
علمونا نسأل عن الأحباب
ونروح وندق......... الباب
علمونا الأدب مع الكبار
علشان يحترمونا الصغار
إسمع كلام أبوك وأمك
ماحد غيرهم يشيل همك
واخوك الكبير فى مقام أبوك
ربنا يبارك فى إلى جابوك
وصاحب أبوك ياعم فلان
وتعامل إخواتك بكل حنان
وتقول لجارتك ياخالة
وعلى طول راضيها فى كل حالة
علمونا كمان قيمة الوطن
بيلمنا كلنا وهو.... السكن
وعلمونى كمان اكون متدين
وأصلي الفرد ولبسي أزين
إسمع كلام .........أستاذك
هو فى العلم .......ملاذك
وفى شغلك كون... امين
ده كله سلف........... ودين
ولا تمد إيدك.... لبقشيش
دي القناعة كنز وغيره مفيش
علمونا إن الكدب ملوش رجلين
وقول الحق وقوى ....العين
ولاتجبشي سيرة ........غايب
ومين رايح ومين...... جايب وسيب يابني
الخلق للخالق
هو الصانع وهو .......الرازق
شكرا جزيلا للمجلة الحبيبة على التوثيق
ردحذف