دعوه للسعادة أول الاسبوع
(يلا إضحك زينا)
---------------
ياعم-- ياقااافل
شفايفك بألف قفل
ولأحزانك مليون حفل
متخليك كده فل الفل
وإتقرب قوي للكل
جرى ايه يا اسطه
هتعيش إمتى
*
مد دراعك تلقى الخير
وخد لك مثل م الطير
من شجرة لشجرة
على ضي القمرة
والمية والخضرة
بيطير
وقلبه للكل محطة
وللحساد ملح وشطة
*
ده المرستااان قفل بابه
والمجنون رجع لشبابه
والفهلوي راجع حسابه
والجااهل رجع لكتابه
والحزن
(ملعون ابو إللي جابه)
وراحت خلاص الأونطه
*
يلا إضحك زينا
تعالى إبقى مننا
هانحطك فى قلبنا
وضييييف عزيز عندنا
لإن الأحزان ما تخصنا
لكن الأفراح هي
حضننا
من غير وسيط وواسطه
----------------
الخال عصمت البيلي
ليست هناك تعليقات:
إرسال تعليق