قصقوصة وقت الرحيل
ساعة ما دق الهلاك على بابى
وقفت رجولى وقهوتى ماشريبتهاش
شنطه سفر فاضيه على كتافى
كل حاجه سيبتها فوق دولابى الابلكاش
كل دمعه نزلت من عيونى
كل ضحكه دفعت تمنها كاش
كل حاجه نفسي فيها عشتها و ماعشتهاش
حتى السنين اللى جوه البطاقه
سيبتها ما ختهاش
اوراقى مخدتى والسبحه حتى المعاش
بنطلونى القطيفه
ونضارتى اللى ملبستهاش
والحزن اللى كنت بدارى منه
طول حياتى اليوم ماجاش
ذكرياتى ويا احلامى الكتيره
فوق كتافى ما حستهاش
ونا رايحه كل حاجه حواليا معرفتهاش
صوتى اللى كان زقزقه عصافير
دلوقتى اعمى النظر متحاش
كل حاجه دفعت فيها دم قلبى
سيبتها ببلاش
ونا رايحه خت ايه معايا ونا رايحه
غير ذنوب فوق الصوابع
عملتها ومعملتهاش
وف صلاتى كنت بسرح
كنت بنسى السور وما حفظتهاش
كنت ناويه اعمل حاجات ومحتاجات
وما كملتهاش
كل الحاجات دلوقتى
تتساوى اللى حبتها واللى ما حبتهاش
رقلمى / رضا البوشي
ليست هناك تعليقات:
إرسال تعليق