(آه يازمن)
واخدنا لفين تاني
راحوا الحبايب
واحد ورا التاني
والعمر عدى وفات
وخد أجمل ذكريات
ومعاه أحلى الأمانى
ناس كانت لنا أمان
وبالنا معاهم خالي
لا هموم ولا جراح
و يحلى بهم الصباح
كانوا بلسم للجراح
وشمعة تنور الضلمة
وضحكة فى ليلنا الحزين
راحوا وفاتونا مجروحين
وفاتوا لنا دموع وأنين
وقلب نبضه حزين
و صبحنا من الدنيا خايفين
وكأننا في زمن تانى
الوشوش غير الوشوش
كلها ماسكات ورتوش
ولينا مايرحموش
ومن الله ما يخافوش
حوش يارب حوش
حوش عنا الوحوش
إللي قلوبهم فشوش
و بدلهم بناس طيبة
تكون علينا حنينة
ترعى عيش
نا وملحنا
نا وملحنا
وما تخون يوم ودنا
ولا يوم تكسر فرحنا
وتكون دايما ف ضهرنا
تحمينا وتفرح لفرحنا
هوى الإمام
ليست هناك تعليقات:
إرسال تعليق