على إيه نزعل ونغضب
على إيه ياقلبي ليه
عامل م الحبة قبة
الدنيا آخرها إيه
إلا فراق الأحبة
وياريت بعد الفراق
يخلصوا ف الدعاء
وما ينفع البكاء
في جمع شمل الأحبة
الحزن على كل داء
لا علاج ولا ترياق
أصبر على البلاء
وربك خير الأطبا
الحزن على أى شئ
مهما كان هو إيه
هتسيبه لحد بعدك
يتهنى هو بيه
عيش لحظات سعادة
وانسى.الهموم تقيلة
لو مر هم يوم
إنساه في يوم وليلة
الأمل في الله كبير
اتعلق أنت بيه
أعبده بس بضمير
كل وقت هتلاقيه
يسندك في كل شر
والمرض هو يداويه
الروح ملك الإله
وليست ملكا لبشر
لا تخشى أبدا ذو جاه
الأمر بيد القدر
لا تعمل ذنوب في العلن
ولا تخفي بعض الذنوب
ولا تطمع في حق غيرك
يكشفك رب القلوب
وتذكر إن الكفن
ياصاحبي مالهوش جيوب
أذكر الله كتير
وسبح بحمد ربك
يصبح العسير يسير
ويشرح للدنيا قلبك
أستغفر دايما لربك
يغفر لك كل ذ
نبك
وهبه البوهي
ليست هناك تعليقات:
إرسال تعليق