إسـكـنـدريـة زمـــان
...
فينك يا إسـكـنـدريـة
يا أم الصيت والأغاني
والشط أبو موجة هـادية
والرمل الزعفراني
وبنات من بحري ماشية
بملاية معجباني
وعيون من خلف برقع
ترمى سهام بالأماني
ماشية ساعة العصاري
بشقاوة اسكندراني
أيوووه على بنت هايمة
فى الميــّة مياسة عايمة
جرحني رمش عينها
وكلامها المعجباني
وأبو اسكندر زمانه
خدنا ف حنطور جميل
وحصان على نغمة يمشي
وانا أغني عين يا ليل
أيوووه على بنت بحرى
لو يرجع بيٌ زماني
كنت أخدها فى حضني
وأملا عيونها أماني
ياليالي اسكندرية
يا حلوة يا مريّة
نفسي أرجع لشطك
ويعود ليّا زماني
فى اسكندرية تاني
---
رفعت محفوظ-الإسكندرية
ليست هناك تعليقات:
إرسال تعليق