أبي الغالي
إهداء إلى أبي في ذكراه
١٩٩٥/٩/١٤
**********
أبويا الغالي كان شمعة
وكان ضلة وكان مقداف
منور ليلي بالبسمة
دليلي وكنت بيه شواف
وضله بعطف حاميني
مدفيني بحنين شفاف
ووسط بحور تغرقني
بينقذني كما المخطاف
وكان عاقل فى كل قرار
رزين بالحكمة والإنصاف
وكله رجولة وشهامة
يصون بيته ومش خواف
وسيرته عشت أنا بيها
خدوم فى الخير بكل عفاف
سنين مرت ومن غيرك
عايش تايه ولو مرتاح
وكنت أطلب تقول حاضر
ولو ممعكش ترضيني بكل سماح
وانا دلوقتي مش قادر
أكون زيك يارمز كفاح
أنا محتاج تكون جنبي
تزيد أولادى كل فلاح
يانبع الحب والرحمة
يانور عيني قمر وضاح
تعبت علينا.ربيتنا
على الأخلاق بكل صلاح
شقيت ع اللقمة والهدمة
ولفيت البلاد سواح
حنتقابل وفى الآخرة
تنول الجنة والأفراح
سنين عدت وأنا شايفك
دليلي
ونور فى كل صباح
إهداء ابنك
جمال على الشرقاوى
شاعر العامية
مليح منوفية
ليست هناك تعليقات:
إرسال تعليق