يا ساقيه دوري بينا
نسينا مر الزمان
حبايبنا قسيو علينا
وياريته ف يوم ما كان
ولا شفته ولا شلت همه
خاين حبيبي وجبان
يا ورد طرطش بدمه
يا ورد ما ليه بستان
ياريتني ما كنت شفته
ولقلبي لقلبه حب
ولا كنت ف يوم قابلته
ولا سلم ليه وطب
ما شفت حد ف قبيلته
ينصف قوليب المحب
مدينا ايد المحبه
وقعنا ف اكبر مطب
حبك ده اكبر مسبه
حبك خطيئة وذنب
موتي بغدرك يا شابه
واحنا اهو لينا رب
ياما استحملت غمه
ايام وسنين حرمان
شهدت خالة وعمة
شهدت كل الجيران
وسقاني من مر سمه
في القلب علم مكان
زود همومي بهمه
والقلب عليل تعبان
حضني اللي كان بيضمه
تشهد علينا الجدران
عطره انا كنت اشمه
قبل ما يظهر ويبان
انا دمي كان هو دمه
خاين وملهوشي امان
عايم علي كلمة امه
وبكره يرجع ندمان
يا جماعه ما قصدت اذمه
انا اسف ع العنوان
هكتب قصيده جديده
عنوانها خاين هربان
حماده محمد الراوي
٢٠٢٠/١٠/١
ليست هناك تعليقات:
إرسال تعليق