👍أكتوبر الكرامة 👍
فجري جاني.
بعد نكسة ف عقر داري.
أيوا يا أما غسلت عاري..
ضحوا إخواني وحبايبي
طهروا أرضي وترابي
فاكرة يا أما؟
قالوا عني جبان كسير
إمشي. طاطي!
لبسوني العار سنين
فات علمنا كل ساري
ف الشوارع والمباني
طفل صار وحده يتيم
أم تبكي إبن غالي.
أرملة دفنت شهيد
بلدي كانت ف العلالي
مصر دي أم الحضارة
دول ولاد مصر الجسارة
مش بيرضوا بالإهانة.
قلبهم يرفض خسارة.
صمموا تعود الكرامة
والهلال ويا الصليب
صوت ولادها الطيبين
قالوا عرضي مش سليب
وف نهار صايم عاهدته
أيوا...رب العالمين
إنتفضت وقلت جاي لك
مش ح أسيبك إلا و أنتِ
رافعة راسي ورافعة راسك
رَدوا ناسي ف حس واحد
قال آمين
أيوا ح أهزم مستحيل
قالوا عنه لو تقرب
ندفنك تحته. أنتَ مين؟
روحت عنده. كمان هزمته
رمله سال مكسور ذليل
درس كان عزة وعنيد
خليَ كل الدنيا تصحي
لما شافوا ترابه يهتف
يحرسك فارس أمين
أيوا يا أما. سينا رجعت
طابا برضه أم الحنين
كل أرضي بقيت لي تاني
جوه قلبي.جوه جوه النن بلدي
لو تنادي ف يوم تعالَ
ح أفتح الدراع و ألبي
كل وقت وكل حين
هما دول أهلك و أهلي
إهتفوا معايا وقولوا
مصر أرض ونيل وغنوة
مصر شمس سماها ضلة
مصر أرض الآمنين..
.⚘بقلمي/صفاء الخواجة⚘
ليست هناك تعليقات:
إرسال تعليق