من رحم المعاناة
خواطر
++++++++
من رحم المعاناة بيتولد الإصرار
بنتشبث بالقشه مهما انجرف بينا التيار
ونحاول نواصل الرحلة حتي لو أدي الأمر
لتغيير المسار
طول ما فينا نفس ولسه القلب بينبض بالحياة
بنحمد ربنا إن اليوم بيعدي علينا بخير
لأن الاستسلام معناه الموت
بنفرح بانتصارنا لما بنعثر ع طوق النجاة
أكيد لو معاك سلاح الإيمان اتكلم
عمر الحلم ما بيتحقق بالسكوت
ما تدفنش الآه في قلبك زعق بأعلي صوت
اتعلم من جدودك اللي سابقوك
يا ما كان ع الدنيا فراعنة وملوك
لو ماحاربتش علشان تاخد حقك يبقي
إيه لزمتك
وخليك فاكر يا ابن آدم لو كانت الدنيا دامت
لغيرك ماكنتش في يوم جاتلك ووصلتك
اسعي ودور ع لقمة العيش
ماتحطش إيدك ع خدك وتقول يا تري
الرزق جاي أو جايز مايجيش
اعمل اللي الواجب اللي عليك
وبالايمان والإرادة بأمر الله ح يجيك
اوعي تقبل ع نفسك حد يمد ايده في جيبه
ويديك
واجري يا ابن آدم جري الوحوش غير رزقك
لم تحوش
#سحر أحمد محمد
ليست هناك تعليقات:
إرسال تعليق