نصيحة ام لابنها
حافظ على نفسك عشانك مش عشاني
انا خلاص عرفت مكاني
مكان هادي مفهوش كلام
الناس فيه كلهم نيام
منتظرين رحمة الرحمن
حافظ على نفسك علشانك مش عشاني
او عي يا بني من صحاب السؤ
دي سكة ملهاش رجوع
سكة كلها غش وخداع
بيضيع فيها الانسان
وتبقي كلها توهان
لا قيم ولا اخلاق
ونهايتها محتومة
فيها غضب الاله
حافظ على نفسك عشانك مش عشاني
اخواتك خدهم سندك
دول اللي من دمك
والدم يظل دم عمره ف يوم ما يتحول لمي
اخوك امانة بين ايديك
يا بني حافظ عليه
وقرانك ده امانك
من غيره الدنيا تضيع
وصلاتك هي سلاحك
ال تعدي بها بر الامان
ورحمك دي وصية الرحمن
حافظ على نفسك عشانك مش عشاني
كد واتعب تلقي معني الحياة
اوعي تستني عطف من عم او خال
عملك هو حياتك اللي يغنيك عن السؤال
والاهم منه اليقين بالله
انه كله مكتوب وما في منه هروب
وارضا بالمقسوم تهني لك الحياة
ولو مرة مال بك الزمان
قوم من جديد وخليك شديد
الدنيا محتاجة لرجال
عارفاك اصلك وغصنك متين
ومهما مالت الدنيا انت مش هتميل
حافظ على نفسك عشانك مش عشاني
انا خلاص عرفت مكاني
افتكرني بدعوة حلوة
تنور بها مكاني
ده طلبي منك تكون بيه
بار لاجل تكون حجة ليا
مش عليا امام الرحمن
ووعد مني ارضي عنك
لجل تفوز بالحياة
ليست هناك تعليقات:
إرسال تعليق