"إسألى قلبك"
قصيدة باللهجة العامية
-------------------------------
إسألى قلبك..هو يقول لك
مين اللى اتسبب ف الهجر
د انا من كتر الحيرة حبيبتي
باسهر طول الليل للفجر
مهما يزيد الحزن ف قلبى
برضه ادعيلِك أنا بالستر
******
أنا مش عارف روحنا لفين
د احنا تعبنا وَجَّع وأنين
والأوقات بتمر بطيئة
يومنا يمر كأنه سنين
وارجع اقول لِك ليه نتخاصم
جوه قلوبنا.. شوق وحنين
******
ياريت تقوليلى ليه سيبتينى
ومالك قاسية وبتعانديني
وكل ماصالحِك بتصدينى
واقعد احايلك وتلاوعيني
جايز بكرة الشوق يناديكِ
وفجأة الاقيكِ بتصالحينى
-----------------------------------
بقلم : م/محمود الحريرى
ليست هناك تعليقات:
إرسال تعليق