رداً على قصيدة "جنة ربى"
لشاعرتنا الراقية المتألقة دائماً
أ. Safaa Elkhawaga
قصيدة " أنا محتاجلِك"
-------------------------------
عندي جواب على أى سؤال
قلبى ياروحي عمره ماباع
بس ظروفنا الصعبة رمتنا
جوه طريق مليان أوجاع
واللى حصل.. لازم ننساه
نطرد أى خلاف وصراع
******
هافتح قلبى وأنادي عليكِ
رُدي عليا ومدى إيديكِ
واوعى ف يوم قلبِك ينساني
أو تسيبيني أشتاق لعنيكِ
******
أنا محتاجلك.. َ
وأنتِ كمان محتاجة لحبي
ولما تعومي ف بحر هوايا
هيكون بَر أمانِك قلبى
******
زى عذابِك أنا باتعذب
لما تكوني بعيد عن عيني
ولما القاكِ بيفرح قلبى
واسمع صوتِك وبيشجيني
اسمعي صوتي ونبض وريدي
ونبضك هو كمان ينادينى
******
مهما بعدنا ياروحي هنرجع
كل حياتي ياعمري فداكِ
والدنيا هتملاها الفرحة
فرحة تزيد أول ماالقاكِ
انتِ منايا وحلم حياتي
لآخر العمر أعيش في هواكِ
وبإذن الخالق وإرادته
أكون في الجنة ياروحي معاكِ
-------------------------------------
بقلم : م/ محمود الحريرى
ليست هناك تعليقات:
إرسال تعليق