(ف ذكرى 6 أكتوبر ) م /عبالحميد سالم
مليون تحية لجيش مصر اللى جاب النصر
ولروح شهداءنا اللى بطولاتهم ما ليها حصر
دول عبروا القناة والدم على جبينهم الحنة
حلفوا يا إما النصر يا شهادة وبعدها الجنة
والله أكبر الله أكبر كان الشعار لأبطال مصر
*******
وف 6 أكتوبر عبرنا القناة وكانوا كلهم صايمين
حتى جرجس وحنا رفضوا الاكل زى حسين
قالوله معاك راح نفطر ف الشرق خلاص حالفين
وف الشرق علمنا هيرفرف هلال وصليب متحدين
******
وبتضحيات جنودك غنينا غنوة ده انا ام البطل
يا مهد الحضارة وحصن العروبة على مر الأزل
ومن شر الأعادى بيحميكِ ربى ويجنبنا الفتن
برجوع كل شبر منك يا سينا فرح مصر اكتمل
****
أنا المصرى ف أكتوبر بهرت العالم وعرف انا مين
بالله أكبر حطمت بارليف رغم القوة و التحصين
انا اللى حاربت عشان أمتنا لكن انت تطلع مين ؟
عميل خاين شي
لت سلاح بتقتل ولادى ف أى كمين
عليك اللعنة بعت العرض ويا الأرض وبعت الدين
******
وف 6 أكتوبر كانت أمتنا العربية إيد واحدة
عشان كده ربك نصرنا مع جبهة داخلية متحدة
لكن بعدها اعداءنا فرقونا ورقصونا ع الوحدة
وغفلونا بفيلم ثورات ربيع وهما اكتفوا بمشاهدة
ويارب نرجع لروح أكتوبر والأمة العربية متحدة
ليست هناك تعليقات:
إرسال تعليق