"نوادر واحدة جارتنا"
قصيدة باللهجة العامية
تتناول أحد النماذج السيئة
الموجودة فى المجتمع
------------------------------
ست نوادر
واحدة جارتنا
ملهاش شغلة
غير الحكايات
سعد اتخانق
ويا حماته ..
وحميدو اتجوز
عنايات ..
وسعاد اللى قصادنا
اهى ولدت....
وبقى عندها
صبيان وبنات .
والواد عبود ابن بهية
ناجح ف جميع
الامتحانات ..
ومفيش حد
بيسلم منها ..
حتى كمان ..
سيرة الأموات .
تدخل بيت
الست حميدة
طبعا دى
جارتها وحبيبتها
وبتعرف ..
أسرار البيت
وكل اللى
تخبيه صاحبتها
وتخرج من عندها
على فين؟
مش على بيتها
لكن على ..
بيت تانى وشرفك
وتقعد مع
صاحبتها التانيه
وتقول وتعيد ...
وآدى حال الدنيا .
********************
بقلم : م/محمود الحريرى
ليست هناك تعليقات:
إرسال تعليق