قليل البخت (812)
...............
ودعكت فانوس بان من أصله
عفريت عفريت مطلي وفالصو
كلما أناديه يقل بأصله
شبيك لبيك عنده إنفصلوا
ده لا جاب طلبات
ضاع منه حاجات
حتى الدهبات قشره وفالصو
شكله ده منحوس
ولا كان في فانوس
عفريت بيدور مصلحته
ممصوص هفتان وتماللي جعان
بيدور شغل يميل بخته
شغلته يومين صحته بالدين
ومكحكح ولا شايل نفسه
روماتيزم كمان والجسم إتهان
مكتوب له أجازة ورحرحته
يقطع ده يوم شوفت الننوس
ولا كنت دعكته وخلصته
أجره ده مدفوع وبسد له جوع
وشاكيني بالباقي من عقده
أما ده عفريت بان على أصله
بقلم .. صبري رسلان
ليست هناك تعليقات:
إرسال تعليق