ليت الشباب يعود
الاماكن والملامح
شابت والله وعجزت
والسنين بتمر
تجري
لا تأخرت ولا أجلت
ودروب الفرحه مضله
والدنيا علينا استكبرت
سرح الفكر في اللي كان
في الناس والشوارع والحكاوي
في الجيران والعشره اللي هانت
في الصحاب والقرايب
في الطيبه والرحمه اللي ماتت
وعند بيت كان زمان
حضن ودفا وامان
سألت جدرانه ماتكلمت
شوفت ذكري كانت هنا
عيله ولمه علي طبليه
كوباية شاي وشيشة ابويا
وحضن امي واختي واخويا
ضحكه صافيه مش مدهونه بويا
والدموع من عيني فاضت
علي كل حاجة كانت هنا
جيت اشوفها لقتها راحت
والحيطان اللي كانت شابه
والشوارع اللي كات اجمل صبيه
بقا كل شئ فيها رخيص وباهت
كل حاجة حلوة هنا ضاعت
عملت منادي وقولت ادور
كان نديا ياشباب العمر عود
يا زمان الحق اين انت؟
ردوا قائلين لن نعود
ليت الشباب يعود؟
فكل الأشياء تغيرت
بقلمي محمد رمضان عبدالسلام
27/1/2026
ليست هناك تعليقات:
إرسال تعليق