بلدي
صعبان عليا بلدي
الله يكون بعونك ياولدي
بلد كرمها الله في القرآن
ليه يبقي المواطن فيها غلبان
ربنا وهب لها التكريم
اكتر من مره في القران الكريم
وجعل فيها خزائن الارض
في كل مكان طول وعرض
ليه يبقي حالنا ياناس تعبان
ازاي يكون بينا شخص جعان
العيشه ديما فيها معناه
صبرنا والصبر جاب منتهاه
والحال بقي صعب كتير
تعبنا من الضغوط والتفكير
واستلفنا من طوب الارض
وبعنا جزء كمان من الارض
وناس مقضياها وعايشه
وناس بتحاول تعيش
وناس بدور علي لقمه عيش
ما بتلقيش
ومن العفه ماتشتكيش
وناس بدور في الزباله كمان
وحياتهم كلها تعب وخزلان
كل ده من السرقه والفساد والمحسوبيه
علشان البهوات يعيشوا
عيشه هنيه
وانت مين يابني انتي وهيه
لازم يبقي في اسياد وعبيد
وناس تنسي الفرحه حتي في يوم العيد
ويداس عليهم كمان
فاكرين ان هيوخلد ليهم
الزمان
اصحي وفوق يا تعبان
ربنا عالم ومطلع علي الغيب
وبيدي فرصه للظام يصلح
العيب
ولو تمادي في ظلمه كمان
اخزه وجعله عبره طول الزمان
وسمعتو قصه فرعون وهمان
بقلم د /اشرف الحسيني
ليست هناك تعليقات:
إرسال تعليق