عامله نفسك محتاره
وإنتي آسيه وغداره
شبكتي قلبي بنظرتين
من غير شبك ولا صناره
سهمك في قلبي ليه مزروع
إرحمي قلبي الموجوع
بلاش رياء بلاش دموع
بلاش تقولي يا خساره
لو ندهتي هبعد عنك
عمري تاني ما اقرب منك
إندهيني هتلاقيني
رافض حبك رافض قلبك
مانتي دنيا ودواره
فين حنانك فين ودك
فين يا روح قلبي حُبك
ليه نسيتي الحب ليه
وكل غالي رخّــصتيه
ورجعتي تاني تبكي عليه
وفاكراني هرجع بـإشاره
لو ندهتي هبعد عنك
عمري تاني ما اقرب منك
إندهيني هتلاقيني
رافض حبك رافض قلبك
مانتي دنيا ودواره
كلمات الشاعر الغنائي /محمد مصطفى
ليست هناك تعليقات:
إرسال تعليق