قلبي صاري وانت دفه ٣
******
تيجي نتفق
هات قلم
تبقي ساكن جوه روحي
يبقي حافظك قلبي صم
تبقي جنه تبقي دوحي
تبقي حضن يمحي هم
قلبي صاري لما تبقي الدنيا برد
دافي يداري اكتبه ف اغلي وعد
وبإيديك وانت نروح احلي جنه
تبقي فرض وف حياتي اغلي سُنه
تبقي زغروته يرن صوتها ف السما
احس أن الدنيا فرحانه بفرحي انا
تبقي دنيا دي مخلوقه فعلا عشاني
إستلم من قلبي ياغالي كوام حناني
تبقي وقت الحزن إيد
طبطبت لما إشتكيت
يبقي هم جرحي عيد
وإنت جنبي لو بكيت
تبقي شمعه تقيد ماتطفي
تبقي وعد وإنت توفي
تبقي نوارة حياتي
عز بردي تبقي تشفي
تبقي ايدك جوه ايدي
يجري دمك في وريدي
العسل. تبقي انت اصفا
الدوا إنت اغلي وصفه
اتفقنا يلا اُبصُم
اختلفنا العَقد يحكُم
يوم ماتقسي عمري مااظلم
قلبي صاري وانت دفه
يسري عثمان
ليست هناك تعليقات:
إرسال تعليق