العمر اللى جاى
*************
العمر اللى عدى شئ
والعمر اللى جاى شئ تانى
والحب اللى عشته معاك
مش ممكن اسيبه ثوانى
احساسى وانا وياك
أوصافه بأبهى معانى
وانا اتحدى الدنيا بحالها
وافضل جنبك وده إعلانى
مين فرحنى ومين هنانى
ومين بنعيم الحب رعانى
غيرك انت ياساكن قلبى
يابسمة عمرى ونصى التانى
والعمر اللى عدى شئ
والعمر اللى جاى شئ تانى
بالأمل حنعيش حياتنا ونبتسم
وتضحك الأيام ونحيا بالأمانى
وتتقابل خطانا وتترسم
احلى صورة لحبنا ونشدو الأغانى
واللبالى الحلوة زينتها السمر
ومع ضى القمر تحلى المعانى
ياحب عمرى ودنيته
وياك اعيش الدنيا بالتفانى
والعمر اللى عدى شئ
والعمر اللى جاى شئ تانى
***************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق