ست البنات
بـحـق كلـمـة حـلوة وطـبـطـبـة
وطعم الحب الصادق ف البدايات
ومتعة قعدة دافية ع المصطبة
وفنجان قهوة محوجة وحكايات
وحاجات بريئة بينا ومتلخبطة
فيـها رقة الورد ودندنة النايات
ولمسة إيد حارة نار ومشطشطة
تولع قلبي اللي دايب ف النهايات
ونظرة عيـون جميلة مقطقـطة
سحـرتنـي تقـول خمر الحـانات
فاكرك وانتِي ماسـكة و متشعبطة
ف رقـبتي وفرحتك بغزل البنات
ومشاعـري وعواطـفي متظبطة
ومتفصلة مقاسك يا ست البنـات
ف عنيكي لسـه فرحة مزقططة
وزفتك بكرة مع القمر والمدارات
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق